စတင်တည်ထောင်သော ခုနှစ်ကိုမသိရသော်လည်း ကျောင်းထိုင်ဆရာတော် ၅ ဆက်မြောက် သို့ ရောက်ခဲ့ပါပြီ ။ ယ္ခု လက်ရှိကျောင်းထိုင် ဆရာတော် ပဉ္စမမြောက် ဆရာတော် ဦးနေမိန္ဒ မှ ပြောပြချက်အရ ပထမ ဆရာတော်ကြီး၏ မှတ်စုစာအုပ်ပါရက်စွဲ အချို့ကိုထောက်၍ ဇီးတောကျောင်းတိုက်စတင်တည်ထောင်သည့် အချိန်မှာ ၁၂၇၀ ခုနှစ်ထက် စော သောကာလဖြစ်သည်ဟု ပြောပြပါသည် ။
ပေါင်းတည်မြို့ ဟင်္သာကန်ရပ်ကွက် ၃၁ လမ်း နှင့် အနောက်လမ်းထောင့် ၃၁ လမ်းပေါ်တွင် တည်ရှိပါသည် ။
ပေါင်းတည်မြို့တွင် ဇီးတောကျောင်းတိုက်၏ ထူးခြားသောအချက် ၂ ချက်ရှိပါသည် ။ ပထမ အချက်မှာ ဇီးတောကျောင်းတိုက်နှင့် တွဲပြီး ဇီးတောသုဿန် တည်ရှိပါသည် ။ မြို့နယ်စည်ပင်သာယာပိုင်နယ်မြေအတွင်း၌တည်ရှိသော သုဿန်ဖြစ်သော်လည်း စည်ပင်သာယာပိုင်မဟုတ်ဟုသိရပါသည် ။ ဇီးတောသုဿန်ကို ဇီးတောကျောင်းတိုက်ကသာ စီမံသည်ဟုသိရပါသည် ။
ဒုတိယအချက်မှာ ပေါင်းတည်မြို့တွင် အစိုးရအထောက်အပံ့ မပါပဲ တည်ထောင်ထားသော ဇီးတော စာကြည့်တိုက် ရှိပါသည် ။
ပိုပြီး ပြည့်စုံအောင်ပြောရလျှင် ရွေ့လျှား စာကြည့်တိုက် ရှိပါသည် ။ ဆရာတော် ဦးနေမိန္ဒ ၏ အမြော်အမြင်ကြီးမားသည့်စေတနာ နှင့် ဆရာတော်၏ဆန္ဒကို စေတနာ ဝါသနာ အရင်းခံဖြင့် ကိုယ်တိုင်အပင်ပန်းခံ ဆောင်ရွက်ပေးနေသော ဆရာတော် ၏တပည့် လက်ထောက် ကိုသန့်ဇင် တို့အတူတကွ ကြိုးပမ်းမှုကြောင့် အောင်မြင်လျှက်ရှိပါသည် ။
No comments:
Post a Comment