ပေါင်းတည်မြို့ ပေါ်ရှိ ဗုဒ္ဓဘာသာဝင်တို့၏ ဘာသာရေးဆိုင်ရာ သာသနာ့နေရာဌာနများတွင် "မြို့မ ပရိယတ္တိ ပဋိပတ္တိ ကျောင်းတိုက်" သည် ထင်ရှားသောကျောင်းတိုက် တစ်တိုက် ဖြစ်ပေသည်။သာသနာ၏အသက်သွေးကြော ပရိယတ္တိစာပေများသင်ကြားပေးရုံမျှမကသာသနာ၏အနှစ်ဖြစ်သောပဋိပတ္တိဘာဝနာအလုပ်များကိုလည်းလေ့ကျင့် ပျိုးထောင်ပေးနေသော ကျောင်းတိုက်ကြီးဖြစ်၏ ။
ဤမြို့မကျောင်းတိုက်ကြီးကို မြန်မာ ကောဇာသက္ကရာဇ် ၁၃၁၇ ခုနှစ် တွင် စတင်တည်ထောင်ခဲ့ပါသည်။
ကျောင်းဆောက်ရန် မြေနေရာကို ကျောင်းဒါယကာ ဒါယိကာမကြီးများဖြစ်သော `ဦးမောင်နှန် - ဒေါ်စောရင်´ သစ်စက်ပိုင်ရှင် (ယခုမိသားစုသင်္ကန်းတိုက်၅လမ်း)မှတာပွန်လမ်းပေါ်ရှိ၁၈လမ်းနှင့်၁၉လမ်းကြား မြေရိုင်းခြံကွက်ကြီးကိုဝယ်ယူလှူဒါန်း
ခဲ့ခြင်းဖြစ်ပါသည်။
ထိုသို့ မြေကွက်ဝယ်ကျောင်းဆောက်ပြီး ကြို့ပင်ကောက်မြို့ ရွှေကျောင်းကြီး ဆရာတော်ကြီး၏ သြဝါဒ ခံယူ၍ ဆရာတော်ကြီး၏တပည့် `ဘဒ္ဒန္တ ဥက္ကံသ´ မထေရ် ကို ကျောင်းထိုင်သီတင်းသုံးတော်မူရန် ပင့်လျှောက်တော်မူခဲ့ကြပါသည်။
မြို့ မရိပ်သာ ပထမ ဆရာတော်ကြီး ဘဒ္ဒန္တဥက္ကံသ (သာသနာ့ဓဇ သိရီပဝရ ဓမ္မာစရိယ) မထေရ်
ကြို့ပင်ကောက်မြို့ ရွှေကျောင်းကြီးဆရာတော်ကြီး၏ သြဝါဒနှင့်အညီ ဒါယကာ ဒါယိကာမ များ၏ပင့်လျှောက်ချက် အရဆရာတော်`ဘဒ္ဒန္တဥက္ကံသ(သာသနဓဇသိရီပဝရဓမ္မာစရိယ)မထေရ်သည် မြန်မာသက္ကရာဇ်၁၃၁၇ခုနှစ်မှစ၍ ကျောင်း
ထိုင်တော်မူခဲ့ပါသည်။
ဆရာတော်ကြီး သီတင်းသုံးတော်မူခဲ့သောကျောင်း
ကျောင်း၏ဥပါဌာက ဒါယကာ ဒါယိကာမ များဖြစ်ကြသော ဦးမောင်နှန် - ဒေါ်စောရင် ၊ ဒေါ်ဂေရင် (၉ လမ်း) ၊ ဦးဘိုးရွှေ (ကြယ်မင်းညိုညို) ၊ ဦးအေးလှိုင် - ဒေါ်ဟန်လှ၊ ဦးလှကြည် (ရွှေကမ္ဘာ) တို့ မှ ကျောင်းအတွက် လိုအပ်သော ကိစ္စ
အဝဝ တို့ကို လှူဒါန်းပူဇော် ထောက်ပံ့ခဲ့ကြပါသည် ။
ဆရာတော်သည် စတင်ကျောင်းထိုင်တော်မူစဉ်ကပင် တပည့် သံဃာ ငါးပါး ၊ ခြောက်ပါး နှင့် ပဋိပတ္တိ အလုပ်ကို ပွါးများအားထုတ်တော်မူခဲ့၏။ ဝိပဿနာတရားများကိုဟောကြား ရင်း စိတ်ပါဝင်စားသူ ဒါယကာ ဒါယိကာမ များကိုလည်း စံနစ်တကျ အားထုတိတတ်စေရန် သွန်သင်ညွှန်ပြတော်မူ၏ ။
မြန်မာသက္ကရာဇ် ၁၃၄၃ ခုနှစ်ရောက်သောအခါ တပည့်ဖြစ်သူ `ဘဒ္ဒန္တ မဟိန္ဒ´ (သာသနဓဇ ဓမ္မာစရိယ) မထေရ်ကို ခေါ်ယူပြီး ပရိယတ္တိ အလုပ်များကိုပါ ထပ်မံတိုးချဲ့လုပ်ဆောင်ရင်း သာသနာပြုခဲ့ပါသည်။ တဘက်က စာသင်သံဃာတော်များ တိုးမြှင့်လက်ခံ သင်ကြားပေးရင်း တဘက်မှလည်း ယောဂီများအတွက် ဝိပဿနာတရားစခမ်းများ ဖွင့်ကာ ပဋိပတ္တိ သာသနာအကျိုးကို သည်ပိုးဆောင်ရွက်ခဲ့ပါသည် ။
မြို့ မရိပ်သာ ဒုတိယ ဆရာတော် ဘဒ္ဒန္တ မဟိန္ဒ ( သာသနာ့ဓဇ ဓမ္မာစရိယ-မဟာဂန္ဓာဝါစကပဏ္ဍိတ)မထေရ်
ဆရာတော် `ဘဒ္ဒန္တ ဥက္ကံသ´ မထေရ်သည် ပရိယတ္တိ ပဋိပတ္တိ သာသနာ့တာဝန်များကို စွမ်းစွမ်းတမံထမ်းဆောင်ရင်း သက်တော် (၈၆) နှစ် သိက္ခာတော် (၆၆)ဝါ မြန်မာသက္ကရာဇ် ၁၃၆၆ ခုနှစ် ကဆုန်လပြည့်ကျော် (၅) ရက်နေ့တွင် ဘဝနတ်ထံပျံလွန်တော်မူခဲ့ပါသည်။
ဆရာတော်ကြီး ပျံလွန်တော်မူပြီးနောက် တပည့်ရင်း ဆရာတော် `ဘဒ္ဒန္တ မဟိန္ဒ´ မထေရ် သာသနဓဇဓမ္မာစရိယ - မဟာဂန္ဓာဝါစကပဏ္ဍိတ က ကျောင်းတိုက်ကြီးကို ဆရာတော်ကြီး လမ်းညွှန်သြဝါဒထားခဲ့သည့်အတိုင်း စီမံအုပ်ချုပ် လျှက် သာသနာ့တာဝန်များကိုထမ်းရွက်လျှက်ရှိပါသည် ။
ယခုအခါ စာသင်သံဃာ ၁၀၀ ခန့် စာပေသင်ကြားလျှက်ရှိပြီး နေ့စဉ် ယောဂီ ၅၀ ခန့် အချိန်ပိုင်း အာစိဏ္ဏကံ အမှတ်စိတ်ဝင် တရားအားထုတ်လျှက်ရှိပါသည် ။
တရားအားထုတ်နေကြသော ယောဂီများ
နှစ်စဉ် ဝါမဆိုမီတကြိမ် သင်္ကြန် မတိုင်မီတကြိမ် ၁၀ ရက်စခမ်းဖွင့်၍ ယောဂီများတရားအားထုတ် နိုင်ရန် စံနစ်တကျ သွန်သင်ညွှန်ပြပေးလျှက် ရှိပါကြောင်း ……
ယောဂီများ တရားအားထုတ်ရာ ဓမ္မာရုံ
တရားစခမ်းပွဲများတွင် ယောဂီများ တည်းခိုရာ ဇရပ်များ
ပထမဆုံးဆောက်လုပ်ခဲ့သော ဆွမ်းစားကျောင်းဆောင်
ယခုလက်ရှိ ပဓာန နာယက ဆရာတော် ဘဒ္ဒန္တ မဟိန္ဒ မထေရ်
No comments:
Post a Comment