ပေါင်းတည်မြို့ ဗဟိုလ် ရန်ကုန်>ပြည် လမ်းမကြီးပေါ်တွင် ဘုရားကြီးတိုက်ဝင်းအတွင်း သပ္ပါယ်စွာ တည်ထားသော မြို့ကျက်သရေဆောင် စေတီ နှစ်ဆူဖြစ်ပါသည် ။
" မင်းလက်ျာသီရိစေတီတော်"
•••••••••••••••••••••••
စတင် တည်ထားကိုးကွယ်ခဲ့သည့်နှစ် တည်ထားကိုးကွယ်သူ ဒါယကာ ကိုလေ့လာရှာဖွေရာတွင် ကွဲလွဲချက်များ မရေရာမှုများ တွေ့ခဲ့ရပါသည် ။
၁၃၁၂ခုနှစ်က ရှေ့နေကြီးဦးထွန်းညွန့် T.P.S ရေးသားသော ပေါင်းတည်သမိုင်း တွင် (၁၁၅၇ ခုနှစ်တွင် မြို့စား နယ်စားမင်းများသည် ရဟန်းတော်များ၏ သြဝါဒအရ မင်းလက်ျာစေတီနှင့် မဟာသိမ်တော်ကြီးကို အမျိုးကောင်းသားသမီးတို့၏ အကူအညီဖြင့် ထမြောက်အောင်မြင်စွာ တည်ဆောက်ကိုးကွယ်ခဲ့ကြသည် ) ဟုဖော်ပြပါရှိပါသည် ။
၁၃၄၈ ခုနှစ်တွင် ရေးသားထားသော ဂေါပက အဖွဲ့ မှတ်တမ်းတွင်မူ [ သာယာဝတီမင်း (၁၁၉၉>၁၂၀၈)လက်ထက်တွင် သားတော် မင်းလက်ဝဲ နှင့် မင်းလက်ျာ တို့က ပေါင်းတည်မြို့ကို ထပ်မံပြုပြင်တော်မူပြီး စေတီပုထိုးများကိုလည်းတည်ထားကိုးကွယ်တော်မူသည် ။
မင်းလက်ျာသီရိ စေတီတော်၏ ထီးတော်တွင်တပ်ဆင်ထားသော ခေါင်းလောင်းညောင်ရွက်များတွင် ၁၂၀၀ ပြည့်နှစ်တွင် အောင်မြင်စွာထီးတင်ခဲ့ကြောင်းတွေ့ရှိရသည် ဟုဖော်ပြပါရှိ၏ ။]
၁၂၆၇ ခုနှစ် ၊ ၁၂၇၈ ခုနှစ် ၊ ၁၃၁၃ ခုနှစ်၊ ၁၃၁၉ ခုနှစ် များတွင် အကြိမ်ကြိမ်ပြုပြင်ခဲ့ကြောင်း ခေါင်းလောင်းကဗျည်းမှတ်တမ်းများတွေ့ရှိရသည် ဟုလည်းဖော်ပြထားပါသည် ။
မင်းလက်ျာမင်းသား မင်းလက်ဝဲမင်းသား တို့သည် မည်သူများဖြစ်သည်ကို မသိရပါ ။
စေတီတော်မှာ ညာဏ်တော်အမြင့် အောက်ခြေမှ ထီးတော်အထွဋ် စိန်ဖူးတော်ထိ ၈၁ ပေ ၁၀ လက်မ ၊ အောက်ခြေ အချင်း ၆၄ ပေ ၄ လက်မ ရှိသည်ဟုမှတ်တမ်းရှိ၏ ။
မင်းလက်ျာ စေတီရင်ပြင်တွင် စိုက်ထူထားသော ကျောက်စာကဗျည်းတွင် ဖော်ပြထားသည်မှာကား ………
" မင်းလက်ျာသီရိစေတီတော်ကြီးသမိုင်းအကျဉ်း"
~~~~~~~~~~~~~~~~~~~~~~~~~
ကောဇာသက္ကရာဇ် ၁၁၅၅-ခုနှစ်တွင် အမရပူရ ပထမမြို့တည်နန်းတည် ဘိုးတော်ဗဒုံမင်းတရားကြီး၏ သားတော် မင်းလက်ျာမင်းသားကြီး စတင်တည်ထားပူဇော်တော်မူခဲ့သည်။ မင်းလက်ျာမင်းသားကြီးသည် ဘိုးတော်ဗဒုံမင်းတရားပေးအပ်သော နန်းစဉ်ကိုးကွယ်သည့် မွေတော် ဓာတ်တော် စသောဌာပနာတော်များနှင့် ရွှေဆင်းတု ငွေဆင်းတု ကျောက်ဖြူသားဆင်းတု ရွှေကြုပ် ငွေကြုပ် သတ္တဌာနအဋ္ဌဝီသဆင်းတုများ စသည်တို့အားဌာပနာသွင်းနှံပူဇော်၍ ရွှေထီးအထွဋ်တင်လှူတော်မူခဲ့သည် ။
သာယာဝတီမင်း [ကုန်းဘောင်မင်းဆက်] လက်ထက်တွင်လည်း မင်းလက်ျာသီရိစေတီတော်ကြီးအား နေပြည်တော်မှနေ၍ မြို့စား နယ်စားတို့အားဆင့်ခေါ်ကာ အသုံး ကံကြွေးလက်ခတော်ပေး၍ ပြုပြင် မွန်းမံတော်မူစေခဲ့သည် ။
စတင်တည်ထားသည်မှ ၁၂၁၄-ခုနှစ်ထိ စေတီတော်ကြီး၏ ပြုပြင်မွန်းမံမှုလုပ်ငန်း အဝဝ တို့အား အဆက်ဆက်သောမြို့စား နယ်စားတို့က ဦးဆောင်တာဝန်ယူ ပြုပြင်ခဲ့သည် ။
အောက်မြန်မာနိုင်ငံ အင်္ဂလိပ်လက်အောက်ကျရောက်ပြီးနောက် ၁၂၃၈-ခုနှစ်တွင် ပေါင်းတည်မြို့ကွက် တိုးချဲ့ရာ ရွှေကျောင်းကြီးတိုက် သာသနာ့ နယ်မြေအချို့ ဆုံးရှုံးခဲ့ရသည် ။ တေီတော်ကြီး၏ မွန်းမံထိမ်းသိမ်းမှုလုပ်ငန်းများအားလည်း မြို့စားနယ်စားတို့အစား ရွှေကျောင်းကြီးတိုက်ဆရာတော်များနှင့် တပည့်ဒါယကာ ဒါယိကာမများ မြို့သူ မြို့သားတို့မှ ဝိုင်းဝန်းပြုပြင်မွန်းမံခဲ့ကြသည် ။ ကောဇာသက္ကရာဇ် ၁၂၆၇ - ၁၂၇၈ - ၁၃၁၃ - ၁၃၁၉ ခုနှစ်များတွင် ရွှေထီးတော်သစ်တင်လှူသည့် စေတိယ ပူဇော်ပွဲများအား ကြီးကျယ်ခမ်းနားစွာ အကြိမ်ကြိမ် ကျင်းပခဲ့ကြသည် ။
၁၃၄၈- ခုနှစ်တွင် ရွှေကျောင်းကြီးတိုက် သြဝါဒစရိယ ဆရာတော်ကြီးများ၏ သြဝါဒကိုခံယူ၍ ဘဏ္ဏာတော်ထိမ်းဂေါပကအဖွဲ့မှ ဦးဆောင်ကာ အများကောင်းမှုဖြင့် စေတီတော်ကြီး၏ ငှက်ပျောဖူးမှ ခေါင်းလောင်းနားအထိ ကြေးပြားခံရွှေသင်္ကန်း စတင်ကပ်လှူပူဇော်ခဲ့ကြသည် ။ ၁၃၆၄ - ၁၃၇၁ ခုနှစ်တို့တွင် စိန်ဖူးတော်အသစ် ကပ်လှူပူဇော်ခြင်း ရွှေထီးတော်တင် လုံးတော်ပြည့်ရွှေသင်္ကန်း ကပ်လှူပူဇော်ပွဲများ ကျင်းပခဲ့ကြသည် ။
မင်းလက်ျာသီရိစေတီတော်ကြီး၏ အတိုင်းအတာ ……
ညာဏ်တော်အတိုင်းအတာ - ပန်းတင်ခုံမှ စိန်ဖူးတော်အထိ > ၈၁ ပေ ၁၀ လက္မ
ပန်းတင်ခုံ လုံးပတ် > ၂၅၆ ပေ
ဟူ၍ဖြစ်ပါသည် ။
ယခုမှတ်စုတွင်ပါဝင်သော အချက်အလက်များထက်ပို၍တိကျသောအချက်အလက်များရှိပါက ပါဝင်ကူညီဖြည့်စည်းခြင်းဖြင့် စေတီတော်ကြီး၏ သမိုင်းကို ပိုမိုတိကျခိုင်မာအောင် ကုသိုလ်ပြုကြပါခင်ဗျားးးး ။
၁၃၇၆ ခုနှစ် ဝါဆိုလဆန်း (၈) ရက် သောကြာနေ့တွင် ဤမှတ်စုကို ရေးသားပါသည် ။
No comments:
Post a Comment