*
☉ ဒက္ခိဏာရာမသာသနာဝင် ☉
❈ ဒက္ခိဏရာမအနွယ် ❈
❉ပေါင်းတည်ဘုရားကြီးဆရာတော်❉
✺ အဂ္ဂမဟာပဏ္ဍိတ အရှင်ပုညာဘိဓဇ ✺
ပေါင်းတည်မြို့ဘုရားကြီးတိုက် အဂ္ဂမဟာပဏ္ဍိတ ဘွဲ့တံဆိပ်တော်ရ ဆရာတော်ဘုရားကြီး အရှင်ပုညာဘိဓဇ သည် မန္တလေးမြို့ ဒက္ခိဏာရာမ ဘုရားကြီး တိုက်၌ စာပေလေ့လာသင်ကြား တတ်မြောက်တော်မူခဲ့ပါသည်။ သို့ဖြစ်၍ ဆရာတော်ဘုရားကြီး၏ ထေရုပ္ပတ္တိကို အရှင်ကေသဝ ရေးသားပြုစုတော်မူသော မန္တလေးသာသနာဝင် စာအုပ် ဤ ဒက္ခိဏာရာမ သာသနာဝင်အခန်း၌ ထည့်သွင်း ဖော်ပြထားပါသည်။
ဆရာတော်သည် ပြည်ခရိုင် သဲကုန်းမြို့နယ် စလင်္ဂသူတိုက် အုတ်တောခေါ် ပရှင်းရွာ၌ အဖဦးဆိုး - အမိဒေါ်ဦး တို့မှ ၁၂၃၁- ခုနှစ် ဒုတိယ ဝါဆိုလဆုတ် ၆-ရက် ကြာသပတေးနေ့တွင် ညဉ့် ၄- နာရီအချိန် ဖွားမြင် တော်မူသည့် တတိယသား ရတနာဖြစ်၏။
သက်တော် ၁၃-နှစ်သားအရွယ်တွင် ရွာကျောင်းဆရာတော်ထံ၌ ရှင် သာမဏေဝတ်၍ သက်တော်၂၀ ပြည့်မြောက်ရာ ၁၂၅၀-ပြည့်နှစ် သီတင်း ကျွတ် လဆုတ် ၅-ရက်နေ့တွင် သဲကုန်းမြို့နယ် စလင်္ဂသူတိုက် လင်လင့် ကန်ရွာ ဥသျှစ်ပင် ကျောင်းတိုက် ခဏ္ဍ သိမ်တော်၌ ဆရာတော် ဦးဂန္ဓမာ ကို ဥပဇ္ဈာယ်ပြု၍ ရဟန်းအဖြစ်သို့ရောက်တော်မူသည်။
ပိဋကတ်အရာ၌ကျွမ်းကျင်တော် မူကြသောရန်ကုန်မြို့ ကြည့်မြင်တိုင် ဗားကရာ တိုက် နာယက ပဉ္စမသံဃာယနာတင် မင်းတုန်းမင်းတရားကြီး လက်ထက် ပဌမ စာတော်ပြန်ဆရာတော် အရှင်အာစာရ၊ မန္တလေးမြို့ တောင်ပြင် ဒက္ခိဏာရာမ ဘုရားကြီးတိုက်ဆရာတော် အရှင်အာစာရ၊ မိုင်းခိုင်ဆရာတော်အရှင်ပဏ္ဍိတ၊ ကျီဝန်ဆရာတော် အစရှိသောဆရာ တော်အရှင်မြတ်တို့ထံ ပါဠိတော်၊ အဋ္ဌကထာ၊ ဋီကာ ကျမ်းများကိုသင် ယူတတ်မြောက်တော်မူခဲ့သည်။
ဆရာတော်သည်စာပေကျွမ်းကျင်တတ် မြောက်ပြီးနောက် ရန်ကုန် မြို့ ကြည့်မြင်တိုင် ဗားကရာ တိုက်နှင့် သဲကုန်းမြို့နယ်ဆီးကုန်း ကျောင်းတိုက် များ၌ သီတင်းသုံး၍ နေ့ဝါ ညဝါ စာပေပို့ချ သာသနာပြုတော်မူခဲ့သည် ။ ၎င်းပြင် ခရစ်နှစ် ၁၉၂၄ - ခုနှစ်တွင် ပေါင်းတည်မြို့၌ သဒ္ဓမ္မဇောတိကာရုံ ဘုရားကြီးကျောင်း တိုက်ကြီးကို တည်ထောင်၍ ၂၅ -နှစ်ကျော် နေ့ဝါ ညဝါ စာပေပို့ချတော် မူခဲ့သည်။ ဆရာတော်၏ ကြိုးပမ်းမှုကြောင့် တပည့်ရဟန်း များ များစွာပေါ်ထွန်းခဲ့သည် ။ ၁၃၀၈-ခုနှစ် နယုန်လဆန်း ၂-ရက်နေ့တွင် ရန်ကုန်မြို့၌ ကျင်းပသည့်တောင်တန်းသာသနာပြုဂိုဏ်းပေါင်းစုံမဟာသံဃ အဖွဲ့ချုပ်ကြီး၏သဘာပတိ အဖြစ်ဖြင့်၎င်း၊ပေါင်းတည်မြို့နယ်သုဓမ္မာဂိုဏ်းဝင် သံဃာတော်များ၏ ဦးစီးနာယက ဂိုဏ်းချုပ် အဖြစ်ဖြင့်၎င်း၊ နိုင်ငံတော်ဩဝါဒစရိယ အဖြစ်ဖြင့်၎င်း၊ ဆောင်ရွက်တော်မူခဲ့လေသည်။
၎င်းပြင်….(၁) ဓမ္မဝိဘာဂဒီပကကျမ်း
(၂) တာသနောတာရကျမ်း
(၃) ဓမ္မမဂ္ဂဒီပနီကျမ်း-တို့ကိုလည်း ပြုစီရင်တော်မူခဲ့သည်။
ဖော်ပြပါဆောင်ရွက်ချက်တို့ကြောင့် ၁၃၁၅-ခုနှစ်တွင် နိုင်ငံတော်အ စိုးရက ဆက်ကပ်လှူဒါန်း သည့် အဂ္ဂမဟာပဏ္ဍိတ ဘွဲ့တံဆိပ်တော်ကို အ လှူခံရရှိတော်မူခဲ့လေသည်။ သက်တော် (၈၇) နှစ် ဝါတော် (၆၇)ဝါ ရရှိရာ ၁၃၁၇-ခုနှစ်ပြာသိုလဆန်း(၇)ရက်နေ့တွင်ဘဝနတ်ထံပျံလွန်တော်မူသည်။ နာမည်ကျော်ပြည်မြို့ ဇောတိကာရုံကျောင်းတိုက် အဂ္ဂမဟာပဏ္ဍိတ ဘွဲ့တံ ဆိပ်တော်ရ ဆရာတော်အရှင်တေဇနိယသည် ဖော်ပြပါဆရာတော်ဘုရား ကြီး အရှင်ပုညာဘိဓဇ ၏ တပည့်ဖြစ်သည်။
ပုညာဘိဓဇ တ္ထေရောဟိ ၊ ပုညဝါ ဇိန သာသနေ။
ပုညံ ကမ္မံ ကရိတွာန၊ ပယာတော မစ္စုနော မုခံ။
✺ (မန္တလေးသာသနာဝင် ဒုတိယတွဲ အရှင်ကေလာသ စာ-၄၅၇) ✺
No comments:
Post a Comment