" ပေါင်းတည်မြို့ ဗုဒ္ဓမြတ်စွယ်တော်"

ပေါင်းတည်မြို့ ဗုဒ္ဓမြတ်စွယ်တော်သည်မြန်မာနိုင်ငံတဝှမ်းထင်ရှားကျော်ကြားသော မြတ်ဗုဒ္ဓ၏စွယ်တော်ပွါးတစ်ဆူဖြစ်ပါသည် ။

မြတ်စွာဘုရား ပရိနိဗ္ဗာန်စံတော်မူပြီးနောက် ကြွင်းကျန်ရစ်သော ဓာတ်တော်များထဲတွင် လက်ဝဲအောက်ဓာတ် စွယ်တော်မြတ်မှာ သီဟိုဠ်ကျွန်း (သီရိလင်္ကာနိုင်ငံ)- ဂန္တီမြို့ ၌ ကိန်းဝပ်စံပါယ်တော်မူလျှက် ဗုဒ္ဓဘာသာဝင် ရဟန်းရှင်လူ တို့ဖူးမျှော်ရန် အပူဇော်ခံထားလေ၏ ။

ပေါင်းတည်မြို့ ရွှေကျောင်းကြီးတိုက် ပထမ ဆရာတော်ဘုရားကြီး ဦးဝိမလ လက်ထက်တော်တွင် ဆရာတော်ဘုရားကြီး၏ တပည့်ရင်းတစ်ဦးဖြစ်သော တိုက်သူကြီး ဦးဘိုးမြ နှင့်ဇနီး ဒေါ်နု တို့သည် သီဟိုဠ်ကျွန်း ဂန္တီမြို့ ၌ကျိန်းဝပ်စံပါယ်လျှက်ရှိသည့် မြတ်စွာဘုရား၏ လက်ဝဲအောက်ဓာတ်စွယ်တ်ေမြတ်ကို အလွန်ဖူးမျှော်လိုသောဆန္ဒဖြင့် ၁၂၅၉-ခုနှစ်တွင် သီဟိုဠ်ကျွန်းသို့သွားရောက်ခဲ့ကြလေသည် ။

သီဟိုဠ်ကျွန်း ဂန္တီမြို့သို့ရောက်သောအခါ ကျောက်သားပကတိဖြင့် အလွန်ခန့်ညားတင့်တယ်သောတိုက်ကြီးအတွင်း ကျိန်းဝပ်စံပါယ်တော်မူလျှက်ရှိသော "မြတ်စွာဘုရားသခင်၏ လက်ဝဲအောက်ဓာတ် စွယ်တော်မြတ် " ကိုကြည်ညိုသဒ္ဒါ ရွှင်ပြစွာဖြင့် ဖူးမျှော်ကြရလေ၏ ။

ဦးဘိုးမြ တို့သည် မြတ်စွယ်တော်ကို လွန်စွာကြည်ညိုကြသည့်အတိုင်း ရက်အတော်ကြာ ကုသိုလ်ကောင်းမှုများပြုလုပ်၍ ဖူးမျှော်ပူဇော်နေကြသော်လည်း အားမရနိုင်ပဲ ( ငါတို့မြို့ရွာမှာ ဤသို့ထူးမြတ်လှသော မြတ်စွယ်တော်မျိုး ရရှိပါက ကောင်းလေစွ ) ဟု ပြင်းပြသောဆန္ဒမှာ နတ်တို့ လှုံ့ဆော်သကဲ့သို့ဖြစ်ပေါ်လာ၏ ။

ဤသို့ဆန္ဒဖြစ်ပေါ်သည့်အတိုင်း စွယ်တော်အမတ်ကြီးနှင့်တစ်ကွ သီဟိုဠ်ဘုန်းတော်ကြီးများ၏သြဝါဒ ကိုခံယူ၍ ဦးဘိုးမြသည် မင်္ဂလာရှိသော ဆင်၏ ဝဲဘက်အစွယ်၏အနှစ်ကိုရှာဖွေရရှိပြီး ကျွမ်းကျင်သောဆရာများဖြင့် မြတ်စွယ်တော်၏ ညာဏ်တော် ၊ လုံးပါတ်တော် ပုံတော်အတိုင်း တသွေမတိမ်းထုလုပ်စီမံလေ၏ ။

ဤသို့ထုလုပ်ပြီးသော် စွယ်တော်မြတ်ကို ငွေဖြင့်ပြီးသော သေတ္တာအတွင်း၌ မြတ်စွယ်တော်အစစ်နှင့်အတူ (၁၅) ရက်တိုင်တိုင် ကျိန်းဝပ်စံပါယ်တော်မူစေ၏ ။

ထို့နောက် ဦးဘိုးမြတို့သည် သီဟိုဠ်ဘုန်းတော်ကြီးများနှင့် စွယ်တော်အမတ်ကြီးတို့ကို ခွင့်ပန်၍ မိမိတို့နေရပ်ဌာနီ မြန်မာပြည်သို့ မြတ်စွယ်တော်ပွါးကို ပင့်ဆောင်ပြီးပြန်လာခဲ့ကြ၏ ။

ရန်ကုန်မြို့၌ ခေတ္တတည်းခို၍နေကြစဉ် ပေါင်းတည်မြို့မှ ဆရာတော်ကြီး ဦးဝိမလ အရှင်သူမြတ်က ဤမြို့နယ်ရှိ ရဟန်းရှင်လူ တို့ အမြဲပူဇော် ဖူးမျှော်နိုင်စေရန် မြတ်စွယ်တော်ကို ပေါင်းတည်သို့ ပင့်ဆောင်လာစေရန် အမိန့်တော်ရှိလိုက်သည့်အတိုင်း အထူးမွန်းမံချယ်လှယ်ထားသော မီးရထားတွဲဖြင့် [ ၁၂၅၉ - ခုနှစ်၊ တော်သလင်းလဆန်း (၁၃) ရက်နေ့ ညနေ ၂ နာရီခွဲ အချိန်ခန့်တွင် ] "မြတ်စွယ်တော်" ပေါင်းတည်သို့ ဆိုက်ရောက်တော်မူလေ၏ ။

မြတ်စွယ်တော်ကို ကြိုဆိုဖူးမျှော်ကြသော လူထုပရိတ်သတ်မှာ ကြိတ်ကြိတ်တိုးစည်ကား၏ ။ ဆရာတော်ကြီးဦးဝိမလ ၏ အမိန့်စီစဉ်တော်မူချက်များအရ `သစ်ခေါင်းကြီး - ဦးတောက်ကြီး´ နှင့် ဆွေမျိုးများ သစ်ခေါင်းများက လှပထွားကျိုင်းသော ဆင် ၂၁ ကောင်ကို ကကြိုး ၊ ထိပ်အုပ် ၊ တန်ဆာများ ဆင်ယဉ်လျှက် မီးရထားဘူတာရုံမှကြိုဆိုကြ၏ ။

မြတ်စွယ်တော်ပင့်ဆောင်လာသည့် ရထားဆိုက်သောအခါ ဦးတောက်ကြီး၏ (ကျောက်နီကြီး) ခေါ် ဆင်ထီးကြီးပေါ်ဝယ် အထူးမွန်းမံချယ်လှယ်ထားသော ငွေကြာပြဿဒ်တော်တွင် မြတ်စွယ်တော်ကို ပင့်ဆောင်စံပါယ်တော်မူစေပြီး နောက်ပါဆင်များခြံရံလျှက် လှံကိုင် ဓားကိုင်တပ်သားများက နောက်မှ ခန့်ညားစွာလိုက်ပါပူဇော်ကြ၏ ။ အတီးအမှုတ်အကအခုန်တို့ဖြင်လည်း ခြိမ့်ခြိမ့်သဲသဲ လိုက်ပါပူဇော်ကြ၏ ။ ညမှောင်သည်ထိ လမ်းများမစုံ သေးသဖြင့် မီးတုတ်များကိုင်ဆောင်ပြီးလှည့်ကြရာ ည ၈ နာရီခန့်လောက်မှ ဘုရားကြီးသို့ပြန်လည်ဝင်ရောက်၏။
ဤအခါမှစ၍ ပေါင်းတည်မြို့ ဗုဒ္ဓမြတ်စွယ်တော်ပွဲတော်ကြီးကို နှစ်စဉ်တော်သလင်းလဆန်း (၁၃) ရက်တွင်လှည့်လည်ပူဇော်ခံသည့် အစဉ်အလာ စတင်ခဲ့ပါသည် ။

ခေတ်ကာလ အခြေအနေမကောင်းသည့် နှစ်များတွင် လှည့်လည်ခြင်းမပြုဘဲ အပူဇော်ခံရုံသက်သက် ပြုလုပ်ခဲ့ရသည်လည်းရှိ၏ ။ လုံးဝအပူဇော်ခံခြင်းမပြုခဲ့ရသည်လည်းရှိ၏ ။ မှတ်တမ်းများအရ

၁၃၀၃-ခုနှစ် (1941) တွင် ပူဇော်ခံရုံသက်သက် (မလှည့်နိုင်)

၁၃၀၄ / ၁၃၀၅ / ၁၃၀၆ ( 1942 / 1943 / 1944 ) ခုနှစ်များတွင် လုံးဝအပူဇော်မခံခဲ့ရ

၁၃၀၇ / ၁၃၀၈ / ၁၃၀၉ (1945 / 1946 / 1947 ) ခုနှစ်များတွင် ပူဇော်ခံရုံသက်သက် (မလှည့်နိုင်)

၁၃၁၀ ခုနှစ် (1948) တွင် လုံးဝ ပူဇော်မခံခဲ့ရ

၁၃၁၁ ခုနှစ် (1949) တွင် ပူဇော်ခံရုံသက်သက် (မလှည့်နိုင်)

၁၃၅၀ ခုနှစ် (1988) တွင် ပူဇော်ခံရုံသက်သက် (မလှည့်နိုင်)

ထို့ကြောင့် ယခုမှတ်စုရေးချိန် ၁၃၇၆ ခုနှစ် နယုန်လပြည့်ကျော် (၆)ရက် (18/6/2014) နေ့ထိ အပူဇော်ခံခဲ့သည့်အကြိမ်ပေါင်း (၁၁၃)ကြိမ်
လှည့်လည်ပူဇော်ခံခဲ့သည့်အကြိမ်ပေါင်း ( ၁၀၇)ကြိမ်ရှိခဲ့ပြီဖြစ်ပါသည် ။
နှစ်ပေါင်း ၁၁၆ နှစ်ကျော် ရှိခဲ့ပါပြီ ။

ပေါင်းတည်မြို့အတွက် မြတ်စွယ်တော်ကို စတင်ပင့်ဆောင်ကိုးကွယ်နိုင်အောင်ကြိုးပမ်းခဲ့ကြသော ရှေးခေတ် ပေါင်းတည်သားကြီးများ ဆရာတော်ကြီးများအား ဤမှတ်စုဖြင့် ရိုသေဦးခိုက် ဂါရဝပြုလိုက်ရပါသည် ။

[ ကိုးကား > ပေါင်းတည်သမိုင်း နှင့် မြတ်စွယ်တော်အတ္ထုပ္ပတ္တိ …( ဦးထွန်းညွန့် )T.P.S / ရွှေကျောင်းကြီးတိုက် သဒ္ဓမ္မဇောတိကာရုံကျောင်းဆရာတော် မဟာဂန္ဓာဝါစကပဏ္ဍိတ ဘဒ္ဒန္တ ပါရဂူ ရေးသားသော ပေါင်းတည်မြတ်စွယ်တော်သမိုင်း ]